13:41, 16 июля 2020, Бишкек - 24.kg
Жалпы республикалык тестирлөөнүн жыйынтыгы боюнча 53 бүтүрүчү Алтын сертификат алды. Бул тууралуу Билим берүү жана илим министрлигинин пресс-кызматы маалымдады.
Маалым болгондой, жалпы тестирлөөгө 43 миң 245 мектеп окуучусу катышкан.
Эң жогорку балл 229 болду. Жогорку баллды Ош облусунун Алай районундагы Кабылан-Көл айылынын Э.Мурзаев атындагы орто мектептин бүтүрүүчүсү Нурбек кызы Акмарал алды. Экинчи орунду 228 балл менен Нуртилек Тобокелов (Талас, «Манас Ата-Себат» лицейи), Намыс Идырысов (Ысык-Көл районундагы Э.Керимгазиев атындагы мектеп) жана Чолпон Абдисуханова (Кадамжай лицейи) ээлешти. Ал эми үчүнчү орунду Бишкек шаарындагы «Газпром Кыргызстан» мектебинин бүтүрүүчүсү Тимур Сулайманов 227 балл менен татыды.
Бишкек шаарында — 28 бүтүрүүчү, Чүй жана Баткен облустарында — 6, Ысык-Көлдө — 4, Ошто — 3, Ош жана Талас облусунда экиден, ал эми Нарын жана Жалал-Абад облустарында бирден бүтүрүүчү татыган.