10:38, 08 июля 2020, Бишкек - 24.kg
Пневмония илдетинен улам көз жумган Жогорку Кеңештин экс-спикери Чыныбай Турсунбековдун кызы экс-президен Алмазбек Атамбаевдин уулу Сеидди жалганчы деп айыптоодо.
«Менин атамдын өлүмүн өзүңөрдүн саясий оюнуңарга аралаштырбоону суранат элем. Адам болгула жана атамдын жайына тынчтык бергиле. Сеид Атамбаевдин жазып чыккандарынын баары жалган!», — деп жазган Айдай Турсунбекова өзүнүн Fecebook баракчасына.
Бир күн мурун Сеид Атамбаев социалдык тармактарга, Чыныбай Турсунбеков Кыргызстандагы социал-демократтарды жашыруун колдоп келгенин жана жакынкы аралыкта ал «Социал-демократтар» партиясына кошулуусу тууралуу жарыялоого даярданып жаткандыгы тууралуу жазган.
Айдай Турсунбекова Сеид Атамбаев жооп берип, өз сөзүн ырастоого даяр экенин билдирди.
«Бул боюнча депутат Анвар Артыков жана Ирина Карамушкина менен сүйлөшүлгөн. Чыныбай Турсунбеков кайсы бир кылмыш иштери боюнча дагы айткан эле. Балким ал сиз, Айдайга байланыштуу иштер болсо керек», — дейт ал.