17:13, 02 июля 2020, Бишкек - 24.kg
Дем алыш күндөрү медицина кызматкерлери үчүн атайын транспорт уюштурулат. Бул тууралуу премьер-министр Кубатбек Боронов брифингде маалымдады.⠀
«Эс алуу күндөрү коомдук транспорт жүрбөйт. Буга байланыштуу медкызматкерлерди алып келүү, жеткирүү боюнча транспорт уюштурулат. Бул маселенин үстүндө Саламаттыкты сактоо министрлиги мэрия менен биргелешип иштейт», — деди Кубатбек Боронов.
Эске сала кетсек, буга чейин дем алыш күндөрү коомдук транспорт токтотулары жана иш күндөрү саат 07:00дөн 10:00гө чейин, 17:00дөн 21:00гө чейин каттаары айтылган.