Өткөн сутка ичинде үч бейтап COVID-19 инфекциясынан каза болду. Бул тууралуу брифингде саламаттыкты сактоо министринин орун басары Нурболот Үсөнбаев билдирди.
Анын айтымында, Бишкектеги Республикалык инфекциялык клиникалык ооруканасында 1966-жылы төрөлгөн 1 аял каза тапты.
«Ал аял оор абалда ооруканага түшкөн. Вирус жуктуруп алган. Андан башка дагы илдеттери болгон», — дейт ал.
Ош шаардык клиникалык ооруканасында 1953-жылкы, Ош гуманитардык университетинин клиникасынан 1959-жылы төрөлгөн эркек киши көз жумду.
Жалпы каза болгондордун саны 50 кишини түздү.