Президенттин аппаратынын 8 кызматкеринен коронавирус тастыкталды

13:43, 26 июня 2020, Бишкек - 24.kg

Президенттин аппаратынын 8 кызматкеринен коронавирус тастыкталды. Бул тууралуу Республикалык штаб маалымдайт.

Өлкө башчысынын аппаратындагы эки кызматкер коронавирус жуктуруп алгандыгы аныкталгандан кийин калгандар дагы анализ тапшырышты. Алардын сегизөөнүн анализи ырасталды.

Штабдын маалыматында, алардын илдет белгилери жок. Андыктан, үйдө обочолонууда болуп, дарыланышат.

Аппараттын көпчүлүк кызматкерлери алыстатылган тартипте иштөөсүн улантышууда.

Белгилей кетсек, Сооронбай Жээнбековдон вирус табылган жок. Ал үч күн обочолонууда болот.