17:38, 18 июня 2020, Бишкек - 24.kg
Тогуз-Торо районунда жүк ташуучу унаа кетип бара жаткан жеринен өрттөнүп кетти. Бул тууралуу ӨКМ 24.kg агенттигине маалымдады.
Маалым болгондой, бүгүн Тогуз-Торо районунун Сары-Булуң айыл аймагында саат 16:20да жүк ташуучу унаа жүрүп бара жаткан жеринен өрттөнгөн. Окуя болгон жайга өрт өчүргүч кызматы барган.
Сары-Булуң айыл тургундарынын айтуусу боюнча унаа кытай компаниясыныкы жана ал бош болгон.
Өрт эмнеден улам чыккандыгы такталуда.