14:15, 10 июня 2020, Бишкек - 24.kg
Жалпысынан кош бойлуулар, жаңы төрөгөн айымдар жана ымыркайлар арасында республика боюнча — COVID-19 вирусу тастыкталган 82 учур катталды. Бул тууралуу Республикалык штаб маалымдады.
Жалпы санынан бүгүнкү күнгө карата стационарлардан 5 кош бойлуу айым айыгып чыгарылды.
Бишкек шаарында — 11, Ош шаары жана Ош облусунда — 3, Жалал-Абад облусунда — 1, Нарын облусунда — 5 кош бойлуу аялдан вирус аныкталды.
Жаңы төрөгөн айымдардын Ош шаары жана Ош облусунда (Ош шаардык перинаталдык борбору) — 38 аял, Нарын облусунда — 11 аял вирус жуктурду.
Вирус Бишкек шаарында 1, Ош шаары жана Ош облусунда (Ош шаардык перинаталдык борбору) — 12 ымыркайдан табылды.
Өлкө боюнча коронавируска чалдыккандардын саны 2 миң 93, анын ичинен айыккандардын саны 1 миң 572.