10:12, 08 июня 2020, Бишкек - 24.kg
Нарын облустук ооруканасында коронавирус жуктурган 67 жаштагы аял киши көз жумду. Бул тууралуу брифингде саламаттыкты сактоо министринин орун басары Нурболот Усенбаев билдирди.
Анын айтымында, аял аз кандуулук менен жапа чегип, вирус жуктуруп алгандан кийин абалы оорлошуп кеткен.
«Көрсөтүлгөн жардамга карабай жүрөгү токтоп калды», — дейт ал.
Республика боюнча коронавирустан жалпы 23 бейтап каза болду.
Ал эми акыркы суткада 20 бейтап айыгып, ооруканадан чыгарылгандардын саны 1 миң 445ти түздү.