03:44
USD 78.03
EUR 88.01
RUB 1.10

Бишкекте коомдук транспорттун айдоочуларына айып пул салынууда

Бишкектеги коомдук транспорттун 5 кызматкерине бет кап кийбегендигине жана санитардык номаларды сактабагандыгы үчүн айып пул салынды. Бул тууралуу Бишкек шаардык мэриясынын басма сөз кызматы билдирди.

Анын айтымында, санитардык патрулдук инспекторлор коомдук транспорттун 88 айдоочусун текшерген.

«Кээ бир айдоочулар бет кап, аралык тартибин сактаган эмес. Аны менен катар маршруттун ичи кир, жада калса санитайзер да орнотулган эмес», — дейт басма сөз кызматкер.

Айып салынган айдоочуларга Кылмыш-жаза кодексинин 150 беренесинин «Коомдук саламаттык сактоо жаатындагы техникалык регламенттердин, санитардык эрежелердин, гигиеналык нормалардын жана башка ченемдик укуктук актылардын талаптарын бузуу» боюнча протокол түзүлдү. Алардын ар бирине 1000 сом өлчөмүндөгү айып пул салынды.

Эң көп окулган жаңылыктар