15:11, 14 февраля 2020, Бишкек - 24.kg
Белоруссиянын жогорку окуу жайлары кыргыз жарандарына сегиз орун бөлдү. Бул тууралуу Билим берүү жана илим министрлиги билдирет.
Маалыматка караганда, кыргызстандыктар Белоруссияда бекер окуй алышат. Алардын төртөө бакалавриат программасы боюнча финансы жана кредит, биотехнология жана маалымат технологиялары жаатында билим алат.
Магистратурада лингвистика, эл аралык укук жана маалыматты даярдоо, башкаруу жана системалык анализдөө багытында окууга кабыл алынат.
Грант окууга кеткен чыгымдарды камтыйт жана стипендия берет.
Документтер 2020-жылдын 25-февралына чейин тапшырылышы керек.