10:12, 31 января 2020, Бишкек - 24.kg
Кечээ Бишкек—Ош унаа жолунун 198-чакырымында кар көчкүнү мажбурлап түшүрүү иштери жүрдү. Натыйжада 16 миң 50 метр куб кар көчкү түшкөн. Бул тууралуу ӨКМден билдиришти.
Ошондой эле жолго 13 миң 50 метр куб кар көчкү түшүп, № 9 жол тейлөө ишканасынан 1 жүктөгүч тартылып, тазалоо иш-чаралары да жүргүзүлдү. Унаа жол бир тараптуу жабык, тазалоо иштери бүткөн соң ачылат.
Кар көчкүлөрүн мажбурлап атып түшүрүү иш-чаралары бүгүн да улантылат.