09:43, 22 января 2020, Бишкек - 24.kg
Кечээ саат 19:10 чамасында Нарын облусунун аймагында очогунда күчү 4,5 баллга жеткен жер титирөө катталды. Бул тууралуу ӨКМден билдиришти.
Маалыматка караганда, жер титирөөнүн күчү Нарын районунун Тегерек, Ылайлы-Суу, Ак-Кудук айылдарында 4 баллга, Ак-Талаа районунун Кадыралы, Шоро айылдарында жана Нарын районунун Ак-Талаа, Эмгек-Талаа, 8-Март, Сары-Иймек, Лесхоз айылдарында 3,5 баллга, Ак-Талаа районунун Ак-Булак айылында жана Нарын районунун Кара-Ой, Учкун, Достук, Мин-Булак айылдарында 3 баллга жана Нарын шаарында 2,5 баллга чейин жеткен.