Кыргызстанда доллардын наркы арзандап жатат. Сутка ичинде америка доллары 69,6 сомго чейин түштү.
Бүгүн Бишкектеги акча алмаштырчу жайлар жана коммерциялык банктар долларды 69,3-69,4 сомдон сатып алып, 69,6-69,7 сомдон сатышууда.
Улуттук банктын номиналдык курс — 69,6439 сом.
Белгилей кетсек, Кыргызстанда доллар 2 жумадан бери арзандап жатат. Анын наркы бул убакыт аралыгында 25-30 тыйынга арзандады. Бирок Улуттук банк азырынча валюта базарындагы абалга аралаша элек.
