17:58
USD 69.74
EUR 79.24
RUB 1.05

Садыр Жапаров ырайым сурап президентке кайрылды

Садыр Жапаров ырайым сурап президентке кайрылды. Маалыматты 24.kg агенттигине анын жактоочусу Шарабидин Токтосунов ырастады.

Анын айтымында, Садыр Жапаров туугандарынын өтүнүчү менен ырайым сурады.

«Кайрылуу 16-октябрда жолдонгон. Ал эч бир күнөөсү жоктугун, ата-энесин, уулун жоготконун айтып, бошотууну суранган. Азырынча жооп жок», — дейт жактоочусу.

Эске салсак, 16-июлда Аламүдүн райондук соту саясатчы Садыр Жапаровдун мунапыска байланыштуу түрмөдөгү жаза мөөнөтүн кыскартуу боюнча Жаза аткаруу мамлекеттик кызматынын сунушун кабыл алган эмес. ЖАМК Садыр Жапаровдун жаза мөөнөтү 2026-жылдын 5-сентябрында бүтөрүн, ага мунапыс берилсе абактагы мөөнөтүн 2023-жылга чейин кыскартууга болорун билдирген.

Кумтөр маселесине байланыштуу өкмөткө каршы чакырыктары менен чыгып жүргөн Садыр Жапаров 2013-жылы «Караколдо митинг уюштуруп, Ысык-Көлдүн ошол кездеги губернатору Эмилбек Каптагаевди барымтага алган» деген айыптын негизинде 2017-жылдын мартында камакка алынган. 2018-жылы июнь айында экс-депутат 11 жыл алты айга кесилген. Быйыл апрелде Жогорку сот анын жаза мөөнөтүн 1,5 жылга кыскартып, он жылын калтырган.

 
 
Эң көп окулган жаңылыктар