USD87.45EUR96.10RUB1.06
24.kg

Каттоо кызматы: Саймаитинин өлүмүнө шектүүлөр Кыргызстандын жарандары эмес

15:28, 14 ноября 2019, Бишкек - 24.kg

Стамбулда ишкер Айеркен Саймаитинин өлүмүнө шектелип кармалган Хусеин Ахметалиев жана Абдулла Энвер Кыргызстандын жарандары эмес жана аларга паспорт берилген эмес. Бул тууралуу Мамлекеттик каттоо кызматы расмий түрдө билдирди. 

Маалыматка ылайык, буга чейин шектүүлөр алдын ала суракта кыргызстандыкпыз деп жооп беришкен.

Эске салсак, Стамбулда 10-ноябрда киши колдуу болгон кытай жараны Айеркен Саймаитинин ысымы «Азаттыктын» быйыл май айынын соңунда жарыялаган «Кыргызстандан чыгарылган миллиондордун изи» аттуу иликтөөсүндө аталган. Анда 700 миллион доллардын тегерегиндеги каражат Айеркен Саймаити аттуу кытайлык жаран аркылуу бир нече жыл бою күмөн жолдор менен Кыргызстандан чыгарылып келгени тууралуу кеп болгон.

Аны өлтүрүүгө шектүү катары үч адам Түркияда кармалган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18