10:21, 14 ноября 2019, Бишкек - 24.kg
Жалал-Абад облусунда адам уурдаганга шектелип уюшкан кылмыштуу топтун мүчөсү кармалды. Бул тууралуу ОИИББдан маалымдашты.
Билдирүүгө таянсак, ушул жылдын февралында Жалал-Абадда белгисиз бирөөлөр 28 жаштагы Т.Ф.ны уурдап кетишкен. Кылмышка шектүүлөр аны Бишкекке алып келип, туугандарынан 20 миң доллар талап кылышкан.
«Факт Кылмыштардын жана жоруктардын бирдиктүү реестрине катталган. Аталган окуяга шектүү делип 2 киши кармалды. Тергөөнүн жүрүшүндө уюшкан кылмыштуу топтун дагы 2 мүчөсүнүн тийиштиги бар экени аныкталды. Аларга издөө салынып, бирөөсү колго түштү», — деп айтылат маалыматта.