Чүй облусуна караштуу Маевка айылында мыйзамсыз иштеп жаткан май куючу жай аныкталды. Бул тууралуу 24.kg агенттигине Экономикалык кылмыштуулукка каршы күрөшүү боюнча кызматтан билдиришти.
Маалыматка караганда, май куючу жай айылдагы Жаш Гвардия Бульварында орун алган. Анда уруксаты жок дизелдик отун сатып жатышкан.
Факт Кылмыштардын жана жоруктардын бирдиктүү реестрине катталды. Аталган жайды тинтүү маалында электр түтүгү, цистерна, контейнер табылды.
