11:37, 04 ноября 2019, Бишкек - 24.kg
Эртең саат 9дан 17:00гө чейин Бишкектин айрым райондорунда таза суу токтойт. Бул тууралуу мэриядан билдиришти.
Маалыматка караганда, «Калыс-Ордо» жана «Мурас-Ордо» суу тосмолорунда оңдоо иштери жүрөт.
Таза суу «Ала-Тоо 1», «Ала-Тоо 2» кичи райондорунда, Ара-Көл, Запад, Улук-Тоо, Дмитров, Кызыл-Тоо көчөлөрү менен чектеш аймактарда токтойт.
Эртең № 86 мектеп жана «Бактылуу Балалык» жеке бала бакча иштебейт.