14:34, 01 ноября 2019, Бишкек - 24.kg
Чек ара режимин бузгандыгы үчүн Тажикстандын чек арачылары тарабынан кармалган Баткен районунун тургуну Асылбек Каримов Кыргызстанга өткөрүлүп берилди. Бул тууралуу 24.kg агенттигине аталган кызматтан билдиришти.
Маалыматка караганда, Асылбек Каримовду мекенине кайтарып берүү үчүн Кыргызстандын чек ара кызматынын Баткен облусу боюнча өкүлчүлүгү тажик тарап менен сүйлөштү.
«Менин бир тууганымды катуу сабап, кыйнашкан», — деп билдирди жабырлануучунун тууганы.
Эске салсак, Асылбек Каримов 24-октябрда коңшу тараптын Чарко базарына кетип кайра кайтып келген эмес.