Араб өнүктүрүү фонду Бишкек жана Сокулукка мектептердин курулушу үчүн 30 миллион доллар бөлүп берди. Бул тууралуу «Ата Мекен» фракциясынын отурумунда Мамлекеттик курулуш агенттигинин башчысы Нурбек Абдиев билдирди.
Фракция лидери Алмамбет Шыкмаматов өлкөдө толугу менен курула элек канча мектеп жана бала бакча бар деп кызыкты. Маалыматка таянсак, 261 социалдык объекттин курулушу токтоп турат. 2000-жылдан бери 403 имарат узак мөөнөттү курулуш разрядына өткөн. Аларды аяктоого каражат жок.
Аткаминерлердин айтымында, авариялык абалдагы мектептердин ремонтуна 70 миллион долллар талап кылынат.
