09:22, 23 октября 2019, Бишкек - 24.kg
«Ак-Өргө» калктуу конушундагы дүкөндөн кайрымдуулук үчүн чогултулган акча кутусун уурдап кетишти. Бул тууралуу 24.kg агенттигине ШИИББдан билдиришти.
«Факт боюнча арыз 19-октябрда келип түштү. Сотко чейинки өндүрүш башталып, издөө жүрүп жатат. Шектүү кармала элек», -деп билдиришти ШИИББдан.
Маалыматка караганда, 16-октябрда саат 18:00дө дүкөнгө бир кишинин киргени видеого түшүп калган. Ал кутуну ачып акчаны алган соң качып кеткен. Акчанын жоголгонун 3 күндөн кийин гана билишкен.
Аталган куту дүкөнгө тиешелүү болгон. Анда чогулган акчаны жылына бир жолу карылар үйүнө же интернатка берип турушкан. Жыл сайын 30 миң сомго жакын ачка чогулчу.