Ичүүчү суу менен камсыздоо жана саркынды суу тармактарын өнүктүрүү департаментинин директору Аскарбек Токтошевдин айтымында, аталган фонд насыяны 1 пайыз менен 30 жылдык мөөнөткө берүүгө даяр. Бирок кыргыз тарап долбоордун 10 миллион долларлык бөлүгүн өзү каржылашы керек.
Насыяны калкы 281 миң адамды түзгөн эки облусту таза суу менен камсыз кылууга жумшоо каралууда. Долбоор 4,5 жылда ишке ашырылышы керек.
Архитектура, курулуш жана турак жай-коммуналдык чарба мамлекеттик агенттигинин 2017-жылдагы маалыматына ылайык, өлкөдө жалпысынан 653 айыл таза сууга муктаж болчу. 2017-2018-жылдары 69 айылга суу тартылса, быйыл жыл соңуна чейин дагы 54 айылды таза суу менен камсыз кылуу пландалууда.
2024-жылга чейин 530 айылда таза суу маселеси чечилет деп күтүлүүдө.