Бишкектеги «Асанбай» кичирайонундагы токой багында майрамдык иш-чаралардын уюштуруучусу, 44 жаштагы Егор Паньшиндин жансыз денеси табылды. Маалыматты 24.kg агенттигине ШИИББ тастыктады.
Октябрь РИИБнын маалыматына таянсак, окуя болгон жерге ыкчам топ келген маалда тизелеп отурган жансыз денени табышкан. Анын мойнунда электр узарткычы оролуп, бир учу бакка байланып турган. Алдын ала маалыматка ылайык, Паньшиндин акыркы убактарда ишинде көйгөйлөрү жана карыздары болгон.
Соттук-медициналык экспертиза дайындалды.
Егор Паньшиндин жакындарынын айтымында, ал эртең менен чуркаганы кетип, кайра кайтып келген эмес.
Ал Кыргызстанда Encounter форматындагы укмуштуу, чыгармачыл, интеллектуалдык оюндарды негиздеп, шаардык түйүндөрдү өнүктүргөн.
