09:46, 10 октября 2019, Бишкек - 24.kg
Бишкектеги борбордук Ала-Тоо аянтында Кыргыз ССРинин мамлекеттик ишмери Турдакун Усубалиевдин 100 жылдыгына арналган сүрөт көргөзмөсү ачылды. Бул тууралуу мэриядан билдиришти.
Маалыматка караганда, көргөзмөгө Турдакун Усубалиевдин архивдик сүрөттөрү коюлган.
Иш-чарага мектеп окуучулары, Турдакун Усубалиевдин небереси, Бишкек шаардык кеңешинин депутаты Эрмек Усубалиев, вице-премьер-министр Алтынай Өмүрбекова, шаардын вице-мэри Татьяна Кузнецова, шаардык кеңештин төрагасы Жаныбек Абиров, коомдук жана мамлекеттик ишмерлер, тарыхчылар жана шаар тургундары катышты.