10:17, 09 октября 2019, Бишкек - 24.kg
Бүгүн көпчүлүк аймактарда жаан жаап, тоолуу райондордо кар жаашы ыктымал. Бул тууралуу ӨКМден билдиришти.
Маалыматка караганда, күндүз Ысык-Көл, Нарын облустарынын көпчүлүк аймактарында, Чүй, Ош, Жалал-Абад, Талас, Баткен облустарынын кээ бир райондорунда жаан жаап, тоолуу райондорунда кар жаашы мүмкүн. Ысык-Көл облусунун кээ бир райондорунда жана Чүй, Ош, Жалал-Абад облустарынын тоо этектеринде жана тоолуу райондорунда жаан-чачын катуу жаашы ыктымал.
Батыштан соккон шамалдын ылдамдыгы секундасына 4-9 метрге, айрым жерлерде 15-20 метрге чейин жетет. Абанын температурасы төмөндөйт.