Ысык-Көл облусундагы «Хан-Теңири» лагериндеги 2 адамдын өлүмүнө шектелип жаткан Сергей Смирнов эл аралык издөөгө алынды. Бул тууралуу 24.kg агенттигине ОИИББдан билдиришти.
Маалыматка караганда, шектүүнүн изине түшүүгө мүмкүн болгон жок. Окуя 5-июлда Ак-Суу районунда болгон. Турбазанын кызматкерлеринин бири 2 кишини атып, бир кызматкерин барымтага алган. Кийинки күнү ал барымтадагы аялды кое берген, ал жабыркаган эмес.
Сотко чейинки иликтөө иштери уланууда.
