13:45, 01 октября 2019, Бишкек - 24.kg
Премьер-министр Мухаммедкалый Абылгазиев Ысык-Көл облусуна жасаган иш сапарында «Кумтөр» алтын кенине барып, «Кумтор Голд Компани» компаниясынын ишмердүүлүгү менен таанышат. Бул тууралуу өкмөттүн аппаратынан билдиришти.
Мындан тышкары Мухаммедкалый Абылгазиев жумуш сапарынын алкагында жергиликтүү эл менен жолугушуп, аймактагы маселелерди талкуулайт.
Эске салсак, өткөн жумада президент Сооронбай Жээнбеков аталган облуста иш сапары менен болгон.