Талас облусунда бюджеттик мекемелерде иштеген кызматкерлерден көчмөндөр оюндарына деп акча алып жатышат. Бул тууралуу 24.kg агенттигине жергиликтүү тургундар билдиришти.
Маалыматка караганда, билим берүү мекемелеринин кызматкерлери ар бири 200 сомдон чогултуп беришти. Саламаттык сактоо тармагында эмгектенгендердин бир күндүк айлыгын кармоону чечишкен.
Өкмөттүн облустагы ыйгарым укуктуу өкүлчүлүгү азырынча маалыматка түшүндүрмө бере элек.
Эске салсак, Талас облусунда улуттук көчмөндөр оюндары 16-сентябрдан тарта башталган. Иш-чара улуттук оюндардын 10 түрү боюнча өтүүдө. Көчмөндөр оюндары эртең аяктайт.
