09:39, 20 сентября 2019, Бишкек - 24.kg
Бишкекте 12 жаштагы Бебеза Саид изделүүдө. Бул тууралуу ШИИББден билдиришти.
18-сентябрда Свердлов РИИБге шаардын жашоочусу кайрылып, уулу дайынсыз болуп жатканын айткан. Ал уулу 16-сентябрда саат 15:00 чамасында Дордой конушундагы үйүнөн чыгып кеткен бойдон кайтып келе элек деген.
Бул факты Кылмыштардын жана жоруктардын бирдиктүү реестрине катталды.
Өзгөчө белгилери: бою 145-150 сантиметр, орто дене түзүлүштө, чачы кыска, кара.
Ошол күнү мектеп формасын — ак көйнөк, кара шым, бутуна кара түстөгү спорттук бут кийим кийип жүргөн. Аны көргөн-билгендер болсо же ал тууралуу маалыматы барлар (0553)102387, (0702) 228505, (0702 )498888, (0552) 102743 жана 102 номерлерине байланышып коюуну Бишкек ШИИББи өтүнөт.