11:10, 18 сентября 2019, Бишкек - 24.kg
Кыргызстанга мыйзамсыз ташылып келинген кургатылган жемиштер аныкталды. Бул тууралуу Бажы кызматынан билдиришти.
Маалыматка ылайык, Ошто «МАН 12232» үлгүсүндөгү унааны токтотушкан, аны кыргызстандык жаран башкарып бара жаткан.
Унааны текшерүү маалында 2 миң 640 килограмм изюм, 490 килограмм кургатылган өрүк, 3 миң 840 килограмм компот аралашмасы табылды. Жүк кошуна мамлекеттен бажы мыйзамдарын бузуу менен алынып келинген. Айдоочу тиешелүү документтерди көрсөтө алган эмес. Товардын баасы 909 миң 400 сомду түздү.