10-сентябрда Суусамыр өрөөнүндө жааган карда калган мал көчүрүлүп келгенден кийин бир топ мал-жандык өлдү. Бул тууралуу ӨКМден билдиришти.
Маалыматка караганда, ӨКМ Суусамыр өрөөнүнүн Сандык жайлоосунан 3 миң 500 баш кой менен 5 чабанды көчүрүп келген. Ошол эле күнү 500 баш кой, 4 жылкыны түшүргөн учурда 200 баш кой жана 4 жылкы Сокулук ашуусунда өлгөн. Калган 300 баш кой Сокулук районунун Төш-Булак айылына жеткирилди.
Эске салсак, 9-сентябрда калың жааган кардан улам Суусамыр өрөөнүнүн Сандык, Сулуу-Төр, Тегерек-Кайың, Арамза жайлоолорундагы жайылдык малчылар көчүрүлүп жаткандыгы кабарланган.
