16:17, 11 сентября 2019, Бишкек - 24.kg
Бүгүн Баткен районунун Бужум айылында 2 унаанын катышуусунда жол кырсыгы катталды. Бул тууралуу облустук Жол кыймылынын коопсуздугун камсыздоо башкы башкармалыгынан билдиришти.
Маалыматка караганда, Бужум-Баткен-Исфара унаа жолунда «Хонда Степвагон» менен «Хонда Фит» үлгүсүндөгү унаалар кагышкан. Кесепетинен «Хонда Степвагондогу» жүргүнчүлөр 1964-жылы туулган тургуну Б.Ж., 1952-жылы туулган К.П., 1946-жылы туулган К.Б., 1966-жылы туулган Ж.Ч. жаракат алып, Баткен облустук бириккен ооруканасынын травматология бөлүмүнө жеткирилди.
Ал эми «Хонда Фиттин» айдоочу А.М. мас абалында болгондугу аныкталды.