Бишкекте футболдук дарбаза басып калган 11 жаштагы окуучу жандандыруу бөлүмүнөн жалпы палатага которулду. Бул тууралуу Саламаттык сактоо министрлигинен билдиришти.
Маалыматка ылайык, жабырлануучу шаардык балдар клиникалык ооруканасына 6-сентябрда келип түшкөн.
«7-сентябрда абалы турукташкандан кийин баланы жалпы палатага которушту. Абалы орто оордукта. Ал дарыгерлердин көзөмөлүндө керектүү дары-дармектерин алууда», -деп айтылат маалыматта.
Эске салсак, 5-класстын окуучусун футбол дарбазасы басып калганын ШИИББ билдирген. Окуя 6-сентябрда Ак-Ордо жаңы конушундагы № 96 мектепте болгон.
