11:55, 06 сентября 2019, Бишкек - 24.kg
Каракол шаарында аз камсыз болгон жалгыз бой кишинин үйүнө карызы бар болгонуна карабай, жарык күйгүзүп беришти. Бул тууралуу Ысык-Көл ОИИББдан билдиришти.
Маалыматка караганда, Караколдун 53 жаштагы тургуну уулун 3 айлык кезинен тарта жалгыз багып келет. Быйыл баласы 9га чыкты. Анын мектепке деген кийим-кечеги, окуу кууралдары жоктугуна байланыштуу, шаардык милиция өз каражаттарына керектүү буюмдарын сатып беришти.
Мындан тышкары аталган үй-бүлө төлөгөнгө акчасы жок 8 жылдан бери электр жарыгы жок жашап келген. «Каракол РЭСинин администрациясы абалды түшүнүү менен карап, ошол эле күнү жарыкты жандырып беришти», -деп айтылат маалыматта.