Ысык-Көл облусуна караштуу Бостери айылында 12 жаштагы бала көл үстүнөн «бананды» минип жүргөн маалда каза болду. Бул тууралуу ОИИББдан билдиришти.
Маалыматка караганда, бананды сүйрөп жүргөн катерге баланын башы тийген. Кырсык кечээ «Мүрөк» пансионатында болгон.
Жабырлануучуну Чолпон-Ата шаарындагы ооруканага алып барышкан. Ал жандандыруу бөлүмүнөн өзүнө келбей каза болду. Бала Бишкектен ата-энеси менен келип, жеке сектордо эс алып жатканы маалым болду.
