Бишкек-Ош унаа жолунда жүк ташыган унаа оодарылып кетип, жүргүнчү жабыркады

17:19, 02 августа 2019, Бишкек - 24.kg

Бишкек-Ош унаа жолунда жүк ташыган унаа оодарылып кетип, жүргүнчү жабыркады. Бул тууралуу Жалал-Абад облустук Жол кыймылынын коопсуздугун камсыздоо башкы башкармалыгынан билдиришти.

Окуя кечээ Бишкек-Ош унаа жолунун 417-чакырымында болгон.

Маалыматка караганда, «MAN» үлгүсүндөгү жүк ташуучу унааны 50 жаштагы жаран башкарып бара жаткан. Ал рулду башкара албай калып, унаа оң капталы менен оодарылып, 25-30 метр жерге сүрүлүп барган. Кесепетинен унаада бара жаткан жүргүнчү денесинен ар кандай жаракат алып Кара-Көл шаардык ооруканасына жеткирилген.