11:39, 02 августа 2019, Бишкек - 24.kg
12-август, дүйшөмбү -эс алуу күнү деп жарыяланды. Бул тууралуу 24.kg агенттигине Эмгек жана социалдык өнүгүү министрлигинен билдиришти.
Эмгек кодексинин 113-беренесине ылайык, Кыргызстандагы диний майрамдар иш күнү деп эсептелбейт. Курман айт бул жылы 11-август, жекшембиде белгиленет.
Мыйзам боюнча эгерде майрам күн дем алышка туш келсе, анда кийинки иш күнү эс алуу деп жарыяланат. Мындан улам, кыргызстандыктар 10-11-12-августта эс алышат.