USD87.45EUR96.10RUB1.06
24.kg

Апрель баатырлары Молдомуса Конгантиевдин акталышына каршы митинг өткөрүүдө

15:02, 08 июля 2019, Бишкек - 24.kg

Апрель баатырлары Бишкектин Биринчи май райондук сотунун алдына митингге чыгышты. Алар мурдакы ички иштер министри Молдомуса Конгантиевдин акталышына каршы пикирин билдиришүүдө.

20га жакын киши Молдомуса Конгантиевди актоо өкүмүн жокко чыгарууну талап кылышууда. Алар бул боюнча жогорку соттук инстанцияга кайрылышмакчы.

Эскерте кетсек, 2010-жылы ИИМди жетектеген Молдомуса Конгантиев 5-июль күнү акталган. Прокуратура аны айыптуу деп таап, алты жылга эркинен ажыратып, 100 миң сом айып салууну талап кылган. ИИМдин мурунку башчысына карата 2010-жылдын апрель окуяларында кызмат абалынан кыянаттык менен пайдаланды деген айып тагылган. 7-апрелде ал Кыргызстандан чыгып кеткен. Бирок, көп өтпөй Орусиянын федералдык коопсуздук кызматы тарабынан кармалып, Бишкекке экстрадицияланган.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18