«Республика» партиясынын лидери Өмүрбек Бабановдун эжеси Бакен Бабанова Алмазбек Атамбаевдин Кой-Таштагы үйүнө барган аялды тааныбастыгын билдирди. Бул боюнча видеону «Республика» партиясынын өкүлдөрү социалдык тармакка жарыялашты.
Буга чейин Атамбаевдин тарапташтары Өмүрбек Бабановдун тайэжеси Сурия Кадырова дагы Кой-Ташка келип, алардын катарына кошулганын маалымдашкан.
«Биз ал аялды тааныбайбыз. Көргөн эмесмин. Биздин атыбызды мындай ыплас иштерге аралаштырбасын. Бизден кечирим сурашын талап кылабыз», — деди Бакен Бабанова.