Бүгүн мурунку президент Алмазбек Атамбаевдин тарапташтары аны колдоо максатында митинг өткөрүү ниетинде. Акция Кой-Таш айылындагы мурунку президенттин үйүндө болот.
Учурда айылда абал туруктуу. Митингге даярдыктар башталды. Ага Алмазбек Атамбаев өзү катышат. Эл акырындап чогула баштады. Учурда 150гө жакын киши бар, алардын арасында журналисттер басымдуулук кылат.
Алмазбек Атамбаевдин тарапташтары жана ЖМК өкүлдөрү үйдүн айланасынан орун алышкан. Бүгүн бешбармак жасалууда. Бирок, көпчүлүк тамак-ашын өзү менен алып келишкен. Мында чогулгандар тамак-аш жана акча үчүн эмес, Алмазбек Атамбаевди колдоо үчүн келишкенин айтышууда.
