Жогорку Кеңештин депутаттары Карамат Орозова, Ирина Карамушкина жана Асел Кодуранова, ошондой эле КСДПнын юристи Нурбек Касымбеков Конституциялык палатага мурунку президент Алмазбек Атамбаевди кол тийбестиктен ажыратуу боюнча түзүлгөн атайын депутаттык комиссиянын мыйзамсыз түзүлгөндүгү тууралуу арыз менен кайрылышты. Бул тууралуу 24.kg агенттигине Нурбек Касымбеков билдирди.
Анын айтымында, комиссияны түзүү процедурасы орой түрдө бузулган. 2003-жылдын 18-июлундагы «Кыргызстандын президентинин кепилдиги тууралуу» Мыйзамга ылайык, мурунку мамлекет башчы президенттик кызматта тургандагы аракеттери үчүн кол тийбестикке ээ болгон. Мындан улам аны иммунитеттен ажыратууга болбой турганын, бул мыйзамсыз экенин айтат юрист.
Кечээ 2 профилдик комитет Башкы прокуратуранын корутундусун колдошту.
