11:40, 21 июня 2019, Бишкек - 24.kg
Экс-президент Курманбек Бакиевдин үй-бүлөсүнө тиешелүү улутташтырылган мүлктөн Мамлекеттик мүлкү башкаруу боюнча фонду 13 миллиард сом алды. Бул тууралуу «Республика-Ата Журт» фракциясынын отурумунда аталган фонддун төрагасы Ренат Түлөбердиев билдирди.
Айтымында, фондго берилген объекттерден 8 жыл ичинде 13,2 миллиард сом алынган.
Дивиденддер 10 миллиард сомду түздү, мамлекеттик ишканалардан 2,8 миллиард, имараттын ижара акысынан 7 миллион, менчиктештирүүдөн 330 миллион келип түшкөн.
Эске салсак, убактылуу өкмөттүн декрети менен Курманбек Бакиевдин үй-бүлөсүнө таандык 47 объект улутташтырылган. Анын тогузу менчикке өткөн.