11:50, 03 июня 2019, Бишкек - 24.kg
Жалал-Абад облусуна караштуу Аксы районунда 7 турак үйдүн короолорун сел каптады. Бул тууралуу ӨКМдин басма сөз кызматы билдирди.
Маалыматка караганда, 2-майда Ак-Жол айыл аймагында катуу жааган жамгырдын кесепетинен, кокту колоттордон сел жүрүп Ак-Жол айылындагы 5 турак үйдүн жана Шынаа тилкесиндеги 2 турак үйдүн короолорун каптаган. Турак үйлөргө зыян келтирилген эмес.
Мындан сырткары Райкомол—Кечүү ички чарбалык унаа жолунун 100 метр аралыгын, Эчкилик тилкесиндеги ички чарбалык унаа жолдун 1 чакырым аралыгын, Ак-Жол—Кечүү ички чарбалык унаа жолунун 4 жерин сел каптаган.