11:28, 14 мая 2019, Бишкек - 24.kg
«Үй-бүлөгө көмөк» жөлөк пулу муктаждарга даректүү түрдө жетпей келет. Бул тууралуу Жогорку Кеңештин төрагасынын орун басары Аида Касымалиева шаардын четиндеги «Ак- Бата», «Ак—Жар» конуштарына барып, жөлөк пул маселесине байланыштуу элдин пикирин угуу маалында айтылды.
Маалыматка ылайык, калктын дээрлик 60 пайызы тиешелүү документи же бир жерде каттоосунун жоктугунан улам жөлөк пул албай келишет.
Ал эми эл өкүлү менен чогуу барган эмгек жана социалдык өнүгүү министри Улукбек Кочкоров документ чогултуу милдети министрликке жүктөлүп, жакын арада электрондук негизде аткарылаарына токтолду. Белгилүү болгондой эгерде үй-бүлөнүн кирешеси ар бир адамга эсептегенде 900 жүз сомдон ашса, анда алар жөлөк пул ала албайт.