11:45, 26 апреля 2019, Бишкек - 24.kg
25-апрелде саат 21:10 чамасында Таш-Көмүр шаарында жер көчкү коркунучунан улам 2 үй-бүлө түндөп убактылуу башка жакка көчүрүлдү. Бул тууралуу ӨКМден билдиришти.
Маалыматка караганда, шаардык Кызыл-Жар аймактык башкармалыгынын Салиева көчөсүндө жайгашкан 2 үйгө жер көчкү түшүү коркунучу жаралган.
Анын кесепетинен 2 үйдүн жашоочулары саат 21:30да убактылуу туугандарынын үйүнө көчүрүлдү. Бүгүн, 26-апрель күнү Жарандык коргонуу комиссиясы тарабынан тактоо иш-чаралары жүргүзүлөт.