Баткен районунда бир түндө таза суу топтолуучу кудуктун 21 даана темир капкагын уурдап кеткен киши кармалды. Бул тууралуу Баткен ОИИББнын басма сөз кызматы билдирди.
Маалыматка караганда, окуя Кара-Булак айыл аймагынын Бужум айылында болгон.
Баткен РИИБнын кызматкерлери окуяга шектелген 41 жаштагы тургунду кармашты. Анын үйүнөн аталган кудуктардын капкактары табылды.