11:27, 10 апреля 2019, Бишкек - 24.kg
КСДП «Ата Мекенден» Алмазбек Атамбаевдин сүрөтүн тосмодон алып салууну суранды. Бул тууралуу социалистер билдиришти.
Алардын маалыматында, «Ата Мекен» партиясынын кеңсесине Кыргызстан социал-демократтар партиясынын өкүлдөрү келишип, экс-президенттин сүрөтүн алып салууну суранышкан.
«Ата-Мекен» партиясынын Бишкектеги кеңсесинин алдында Алмазбек Атамбаев сүрөтү илинип, анын астында «камалсын» деп жазылган. Атамбаевдин гана эмес, Индира Жолдубаева, Абдил Сегизбаевдин дагы сүрөттөрү коюлган. Партия аларды дагы жоопкерчиликке тартууну талап кылышат.
«Сүрөт алынбайт жана биз Атамбаевди жоопко тартылышын талап кыла беребиз», — дейт «Ата-Мекен».