09:17, 09 апреля 2019, Бишкек - 24.kg
Жалал-Абад облусуна караштуу Кара-Көл шаарында каракчылыкка шектүү делген жарандар кармалды. Бул тууралуу ИИМден билдиришти.
Маалыматка караганда, 7-апрель түнү милициянын нөөмөт бөлүмүнө Кадамжай районунун 28 жаштагы тургуну арыз менен кайрылган. Ал Кара-Көлдүн чет жакасында «Subaru» үлгүсүндөгү унаанын айдоочулары аны кууп, тапанча менен коркутуп, эки миң сомдон ашык акчасын алып кетишкенин айткан.
Аталган окуяга шектүү делип 3 жаран кармалды, алардын бири 17 жашта экени айтылууда. Унааны тинтүү маалында ичинен тапанча, бычак, акча каражаты жана документтер табылды.