USD87.45EUR96.10RUB1.06
24.kg

Кыргыз-казак чек арасындагы өткөрмө бекеттер штаттык режимде иштей баштады

08:33, 08 апреля 2019, Бишкек - 24.kg

Кыргыз-казак чек ара тилкесиндеги кырдаал жөнгө салынып, көзөмөл өткөрмө бекеттер штаттык режимде иштей баштады. Бул тууралуу кыргыз өкмөтүнүн басма сөз кызматы кабарлады.

Мекеменин билдирүүсүнө караганда, казак тарап калк керектөөчү товарларды алып бараткан жүк унааларын мурдагы режимде өткөрө баштады. Жакынкы күндөрү чек арадагы оор жүк ташуучу автоунаалардын кезеги толук жоюлат деп күтүлүүдө.

Өткөн жумада премьер-министр Мухаммедкалый Абылгазиевдин буйругу менен Мамлекеттик бажы кызматынын төрагасы Алмаз Оңолбеков башында турган кыргыз делегациясы сүйлөшүүлөрдү жүргүзүү үчүн Казакстанга жөнөтүлгөн.

3-апрелде Кыргызстандын Экономика министрлиги казак бийлигинин чек арадагы аракети Евразиялык экономикалык биримдиктин нормаларын бузуп жатканын билдирген. Өз кезегинде казак тарап автоунаалардын тыгыны — жүк ташуучулардын текшерүүдөн өтүүнү каалабай жаткандыгына байланышуу экенин айткан.

«Ак-Тилек — Автожол» көзөмөл өткөрмө бекетинде жүк ташуучу автоунаалардын узун кезеги 19-мартта, казак тарап чек арадагы текшерүүлөрдү күчөткөндөн кийин пайда болгон.

БАЙЛАНЫШТАР

СОЦИАЛДЫК ТАРМАКТАР

TelegramYouTubeWhatsAppFacebookInstagram

© АА «24.kg» - Кыргызстандын жаңылыктары. Бардык укуктар корголгон. Бул веб-сайтта жайгаштырылган бардык маалымат жеке пайдалануу үчүн гана арналган жана АА «24.kg» жазуу түрүндөгү уруксатысыз таратылышы мүмкүн эмес. Редакция кайра басылган материалдардын жана айрым адамдардын пикирлеринин мазмунуна жоопкерчилик тартпайт. +18