Баткен облусуна караштуу Кадамжай районунда оор жана өтө оор кылмыштарды жасап, кылмыш жоопкерчилигинен качып жүргөн Өзбекстандын 4 жараны изделүүдө. Бул тууралуу Баткен облустук милициясынан билдиришти.
«Шодмонов Равшонжон Улмасходжаевич — 03.01.1979-жылы Фергана районунун Кургон-Тепа айылында туулган. 2000-жылы каракчылык, тоноочулук жана мал уурулук жасоого шектелүүдө. Арзиев Шерзод Алишерович — 22.11.1988-жылы Фергана шаарында туулган. 2012-жылы алдамчылык, автотранспорт каражатын ээлеп алуу, каракчылык жасоого шектелүүдө. Тешебаев Эркин Уктамович — 02.06.1966-жылы Фергана районунун Кувасай шаарында туулган. 2006-жылы баңгизаттарын мыйзамсыз сактагандыгы боюнча изделүүдө. Фазлиддинов Наврузиддин Икромиддинович — 09.03.1993-жылы Фергана облусунун Сох районунунда туулган. 2018-жылы Beeline компаниясынын тармагын бузуп, компьютер аркылуу акча уурдаган хаккер», -деп жазылат маалыматта.
Эгерде жогоруда ысымдары аталгандарды таанып, билип же жүргөн жерин аныктагандар болсо, анда төмөнкү телефонго кайрылса болот. +996 3655 50229, +996 502777702, +996 776040744. Анонимдүүлүккө кепилдик берилет жана акчалай сыйлык тапшырылат.
